وحدة من أقوى فرق السيمفونيك الموجودة على الساحة العالمية قدرت بفترة قصيرة تفوت
على قلوب الناس و تثبت وجود قوي و منافس ..
تأسيس الفرقة :
المؤسس هو Mark Jansen سنة الـ 2002 ترك فرقة اسمها After Forever
وهو كان فيها واحد من المؤلفين الرئيسيين, قرر بعدها يعمل فرقة جديدة ليكمل مشوارو
اقترح الفكرة على أصدقائه ليعملو هي الفرقة الي كان اسمها بهداك الوقت Sahara Dust
مع Helena Iren كفوكال .. بعد فترة استبدل مارك هيلينا بـ Simone Simons
الي هي لهلأ الفوكال ..
انعمل للفرقة ديمو فيه غنيتين Cry For The Moon و Illusive Consensus
ونزل تحت اسم الفرقة Sahara Dust .. بعدها طلع ألبوم Kamelot بعنوان Epica
ومنو استوحى مارك اسم الفرقة وتحول اسم الفرقة لـ Epica.
وبعد ما اكتملت الفرقة بأعضاء محترفين .. ونجاح الديمو تبع Sahara Dust
قرروا يعملو أول البوم مع عازفين كمان و تشيلو .. و أصوات جوقة
العازفين نفسهن صارو يسجلوا دائماً مع الفرقة حتى صار اسمهن Epica Orchestra
و الأصوات الي معهن كمان سجلوا معهن بكل الألبومات وهيك أطلق عليهن اسم Epica Choir
وحدة من أشهر الأصوات الي بجوقة Epica هي الرائعة Amanda Somerville الي ساعدت
الفرقة كتير بسبب خبرتها الواسعة جداً بهل مجال ..
الفرقة صدمت الكل من أول البوم الهن وحققوا نجاح كتير حلو أكتر الشي على مستوى هولندا وكمان
نجاح لا بأس فيه بباقي دول اوروبا .. و ارتفع مستوى الفرقة أكتر بعدين حصلوا على العقد الدهبي
مع Nuclear Blast .
في كمان شغلة, انو مارك كان عم يحضر لمشروح خاص فيه "Side Project" من قبل ما يترك AF
وهالحكي كان بسنة الـ 2001, وهو بيعرف سيمون من هالوقت, ولما ترك AF سيمون وقفت جمبه
ودعمته معنوياً كتير وهيك بعدها حبوا بعض .. ولهل سبب تم استبدال هيلينا بسيمون.
نمط الفرقة :
Epica هي فرقة سيمفونيك بلا أي شك .. بس في ناس بيفضلوا يقولو انهن خليط ما بين الـPower
و الـ Gothic بسبب وجود عناصر موسيقية من النمطين .. بس بفضل وجود الأغاني المسرحية
(الأغاني المسرحية : الاغاني الي بتكون مؤلفة من مقاطع متل Kingdom of Heaven مثلاً
مؤلفة من عدة فصول وبتكون عبارة عن حوار موسيقي مابين العازفين و بين السولويات ..)
أخدت الفرقة تصنيف السيمفونيك وهو تصنيف شامل لنمط الفرقة أو فينا نقول عنهن
Symphonic Power/Gothic ومنكون عم نفوت بالتفاصيل أكتر, ومنكون عطينا تصنيف أدق.
Epica وحدة من الفرق المتأثرة جداً بـ Nightwish والفرقة بيقولو هالشي وماعندهن مشكلة يحكو
عن فضل الفرق الي كانو بمثابة مدارس بالنسبة الهن, في ناس بيقولو انو Epica هي عبارة عن
فرقة بتدمج مابين Nightwish و Opeth لأن هي الفرق المفضلة بالنسبة للمؤلف الرئيسي.
بالَإضافة طبعاً للايحاء الكبير الي بتشكلو الموسيقى الكلاسيكية بالنسبة للفرقة ..
وفي ناس غيرن بتعتبر Epica على انها الوجه الجديد لـ After Forever .
بالنسبة لهل شي, Epica أخدو معظم العناصر الي اخترعوها الفرق الي أسسوا النمط
ولليوم Epica قدمو للسيمفونيك ميتال تحف رائعة جداً .. ونادرة, بالإضافة للعناصر الجديدة الي ضافوها
وما فينا نقول هني وحدة من أفضل الفرق الي بتدمج بين الغوثيك و البور, لأنو لازم نقول
Epica هي أفضل فرقة على الساحة بتدمج مابين الغوثيك و البور, والألبومات الي قدموها لليوم خلت الفرقة
تتحول من الفرقة الي نشأت على أغاني فرق تاني, للفرقة الي عم تتأثر هلأ الفرق فيها.
العناصر الي استخدموها :
- Lead female Vocale كصوت اوبرالي .. مع هارش فوكال من Nightwish
تحديداً من ألبوم Oceanborn .
- في شي بالموسيقى اسمو Le Concerto أو dialogue وهالعنصر كان بنمط الباروك
بالقرن الخامس عشر و السادس عشر باوروبا خاصة ايطاليا و فرنسا, هاد العنصر هو عبارة
عن تحاور موسيقي, انو الآلات كلها بتكون عم تعزف (الاوركسترا) وهي بيكون عبارة عن تشاور
بعدها بيطلع عزف مفرد (سولو) وهاد بيكون عبارة عن رأي جديد بالحوار الموسيقي بترجع بعدها
بقية الآلات بتفوت وهيك .. عبارة عن تحاور موسيقي .. هاد العنصر بقي لهلأ بالموسيقى الكلاسيكية
ومنشوفو أكتر الشي بالـ Symphonic Music و وجودو بيعطي Classical Influence دخل
هالعنصر على الميتال مع فرقة Haggard وبعدها استلمتو عدة فرق أشهرهن Epica طبعاً.
- الأغاني المسرحية, حكينا عنها سابقاً كمان الفضل بهاد العنصر بيرجع لغنية Lappi لـ Nightwish
سنة الـ 1997 , ولـ Haggard بطريقتهن بتقديم الأغاني أو الألبوم كاملاً على شكل Chapters
كمان هاد العنصر تم استخدامو بطريقتين عند Epica :
1. الغنية على شكل فصول .. متل غنية Kingdom of Heaven مثلاً و غيرها (من Nightwish)
2. تقديم الأغاني نفسها على شكل Chapters كمان متل قصة The Embrace That Smothers
الي بدأها مارك بأول ألبوم لـ After Forever وكملها مع Epica ابتداءً من Cry For The Moon
وقصة A New Age Dawns (هاد العنصر من Haggard)
- بيتميز نمطن كتير بالجو الملحمي, ومقاطع موسيقى كلاسيكية بشكل تام, بالإضافة للجو
الكنائسي متل مقاطع مفردة للجوقة أو صوت الكاهن وهاد العنصر فينا نقول انو هني ثبتوه,
والسيمفونيك ميتال مدين لهي الفرقة لتوضيح هالعنصر بشكل تام جداً (من Haggard)
- والعنصر قبل الأخير الي بدي احكي عنو بنمط الفرقة هو الحوار مابين الملائكة و الشياطين
بنمط الفرقة و أداء فوكالز Epica بيظهروا انو صوت سيمون هو "الملائكة" وصوت مارك
هو "الشيطان" وفينا نتأكد من هالشي من خلال معاني مقاطع الهارش الي بأديهن مارك بكتير أغاني
متل مثلاً : غنية Consign To Oblivion بمقطع :
Open your eyes, we're not in paradise ..
وكأنو هون بدو يقول للناس بعد كلشي عم تعملوه .. مافي جنة .. ليش مانكن عم تشوفو هي الحقيقة ؟
- العنصر الأخير هو : الكلمات باللاتيني .. ومتل ما قلنا من قبل صوت الكاهن (من Haggard)
فينا نقول هلأ أنو :
Epica
تاريخ التأسيس : 2002
النمط : Symphonic Power/Gothic Metal
الكلمات بتحكي عن : الفلسفة, حضارة المايا, المعاناة, الألم, الحب , ...
البلد : هولندا
الكلمات : بتنقسم الكلمات لنوعين واضحين من الفكر .. بسبب وجود شخصين بيكتوا
سيمون : بتشارك أحياناً بالكتابة, والي بتكتب عنو هو الحياة بشكل عام, التجارب , والحب
بتحكي عن تصرفات الناس تجاه عواطفهن .. وهيك أمور.
مارك : وهو الكاتب الرئيسي, بيكتب عن السياسة متل الشي شفناه عن السياسي الي اغتالو بهولندا
كتب عنو بألبوم The Phantom Agony, بيكتب عن الفلسفة (فلسفة المايا) وبيكتب كمان عن
الأديان, وهاد تقريباً أكتر الشي أخد شهرة عن الفرقة سواء كانت انتقادات من الناس المؤمنة أو
تأييد من المؤيدين لهي الأفكار ..
مارك بيشوف أنو الأديان شي مانو سيء بس لازم يحذر و يحذر الناس من بعض العقول المريضة
الي بتختبئ ورا الدين .. حكا عن هي الشغلة بالـ Christianity بغنية Cry For The Moon
الي بتدور عن قصة طفل اغتصبو كاهن بدار العبادة والقصة صارت فضيحة بهولندا وبعدها أصحاب
النفوذ تكتمو عن الموضوع لحتى يحافظو على ثقة الناس وانو متل مافي عقول مريضة .. بالتالي
في ناس كتير منيحة .. وضحت هي الفكرة تماماً بجملة بهي الغنية بيقولها مارك الي هي :
Where the apple gets a youthful face هون مارك بدو يقول انو هالطفل هو متل التفاحة
الي أكلتها حواء, وهاد الكاهن الي اغتصب الطفل .. كأنو أكل التفاحة مرة تاني .
كمان مارك بيحكي عن الـ Islam متل بغنية Fools of Damnation الي بيهزأ فيها من المؤمنين
و وصفهن بعدة عبارات متل : unknowing fool و unworthy pig .. و بغنية Seif Al Din
الي بيحكي فيها عن "سيف الدين, أحد الشخصيات المعروفة" وبيقول عنو انو هو عبارة عن شخص
عادي متلو متل اي بشر, بس هو اتبع الدين حتى يحصل على سلطة و نفوذ و يوصل للمرتبة العالية
وطبعاً حكا عن هالدينين بكتير أغاني .. بس هدول كانوا أمثلة.
على العموم هي مو أفكار أي حدا إلا المؤلف.
الأعضاء :
Mark Jansen
رتم غيتار - هارش فوكال
الي بيميز مارك وبيخليه يتميز بكل هي الشهرة هي التأليف, مارك هو أحد المؤلفين الرئيسين بالفرقة
من ناحية الليركس متأثر كتير بفلسفة المايا, منلاحظ انو هو على اطلاع على اغلب ثقافات العالم وفي نقاط
بثقافات الشعوب بنظره انو هي سبب معاناتهن, وبينتقد هالشي باسلوب ساخر غالباً (بس بالنسبة لهي النقطة)
منلاحظ كمان وجود جانب مايل للسياسة بالكلمات الي بيكتبا ..
من الناحية الموسيقة, الايحاء الأكبر هي الموسيقى الكلاسيكية , بالدرجة التاني الفرق المفضلة عنده
الي هنن : Nightwish, Opeth, Ayreon, طبعاً ابداعه لهزلمي متجسد بأغاني الفرقة ..
كعازف غيتار, مارك عازف جيد, أداءه على المسرح رائع ومافيه أخطاء.
بيتميز كمان بسرعة النقل ما بين طبقات الصوت الي عنده, منلاحظ أكتر الشي هي النقطة بغنية
Cry for The Moon الغنية الي أسرت قلوب و عقول الناس, بيتحكم فيها بطبقات صوته
برياحة مطلقة مابين الـ Harsh والـ Shriek أو الـ Scream ..
بيتعرض أحياناً لانتقادات انو صوتو على المسرح بيختلف عن أداءه بالاستوديو, بس طبعاً قدر يكسب
ثقة الناس بصوته من قبل بالـ DVD الي نزل بعنوان We Will Take You With Us
بعدها رجعت هي الانتقادات مرة تاني على انو هالإصدار كان باستدوديو وما بيظهر قدراته الحقيقية
ورغم هالشي مارك شخص محبوب كتير بين أعضاء الفرقة و بيبقى هو أحد المؤلفين العباقرة.
اشتغل مع Warbreed بالـ 2008 ومع Sons Of Seasons بالـ 2009 بألبومهن الأول
أعلن مارك بسنة الـ 2010 على مشروعو الجديد الي بعنوان MaYan ورح ينزل أول البوم مع
هي الفرقة بربيع الـ 2011 .. طبعاً رح نشوفو بهي الفرقة الي هو أسسها كفوكال و غيتاريست.
....................
Simone Simons
سيمون هي الوجه الممثل للفرقة و أول ما تقول Epica لحدا فوراً بيخطر على باله وجه سيمون .. المشهور جداً
الفوكال الرئيسية للفرقة صاحبة واحد من ألمع الأصوات بالميتال, صح لليوم مو هي الفوكال رقم واحد بالميتال
بس الها وجود واسم سيمون صار جزء من كيان الفرقة وصورتها ومن نمطا حتى.
سيمون بتاخد دروس صوت من وقت ماكانت بعمر الـ 10 سنين كـ Pop/Jazz بهداك الوقت بس بلشت
بدروس صوت كلاسيكية وقت سمعت البوم Oceanborn لـلفرقة الكبيرة ومدرسة السيمفونيك Nightwish
أعجبت كتير بصوت و شخصية الأيقونة تاريا وقررت انو بدها تكون متلها.. بهي الفترة كان عمرها 15 سنة
وهيك لفترة طويلة Tarja Turunen كانت هي قدوة سيمون, وقدرت تحقق حلما وتصير متل ما بدها, وحتى
قصتها بتشبه قصة تاريا, المراهقة صاحبة الوجه المحبوب وخامة الصوت الرائعة الي بتتعرف على الميتال و
بتلاقي عالم جديد عم يفتح بوابه إلها.
شوفو غلاف We Will Take You With Us صورة سيمون على الغلاف هي نفس الحركة
الي بتميز تاريا على المسرح .. الإيد الممدودة الي عم تقول للشخص "Come" .
صوت سيمون الاوبرالي بيتميز بأنوثة و حنان كتير, منشوفها بالفرقة بوجهين, الأول هو مغنية الاوبرا,
الي بتتعرض أحياناً للنقد لأن ما بتقدر تجيب نوطات عالي كتير, متل السوبرانو برايحة, والوجه التاني
هو المغنية الهادي صاحبة الصوت الملائكي الي بيخترق القلوب بسرعة بسبب نعومته و حنانه, متل غنية
Solitary Ground, غنت بالـ 2002 لفترة بجوقة وبعدها انضمت للفرقة, كانت سابقاً حبيبة Mark
بس انفصالهن ما أثر على الفرقة أبداً, بتساهم بكتابة الأغاني والمواضيع الي بتكتب عنهن : الحياة, الحب
وعن تأثير المواقف على المشاعر وعلى شخصية الانسان ..
سيمون بتعزف على الـ Flute وتعلمت لاحقاً على البيانو
شاركت بمشروع Aina مع الأسماء الكبيرة بسنة الـ 2003.
بالـ 2007 اشتغلت مع Ayreon و Primal Fear , بالـ 2008 مع Xystus
كمان مع Sons of Seasons بأول ألبوم 2009 و رح نرجع نسمع صوتها مرة تاني بالألبوم الجديد
الي رح ينزلوه هي السنة, اشتغلت كذا مرة مع Kamelot وبظن انو لسا رح تشتغل معهن كتير.
....................
Coen Jansen
عازف الكيبورد
بدأ بالعزف على البيانو من عمر الـ 8 سنين, وبدأ يحترف بعدها, دراستو الجامعية
هي دراسة موسيقية تخرج منها بسنة الـ 2007 وهو مو بس عازف بيانو .. بالإضافة لأنو درمر
و غيتاريست وعازف بيس كمان (ايييييه) بس بالفرقة هو الكيبورديست , مع الفرقة من التأسيس
وطبعاً فينا نقول بباسطة انو هالانسان هاد هو : محترف و عبقري.
....................
Isaac Delahaye
ايساك, أو متل ما منقراه بالعربي "اسحاق", هو الليد غيتاريست
دخوله على الفرقة بسنة الـ 2009 بدل Ad Sluijter كان شي كتير ايجابي ونقلة كتير حلوة للفرقة
طبعاً شخص كتير محترف, وبيغني أحياناً كمان على المسرح Harsh و عزفه كتير ممتاز,
سجل مع الفرقة بألبوم 2009 ومنلاحظ بدخوله على الفرقة انو صرنا نسمع سولويات .. وهي الشغلة
كانت كتير نادرة من قبل بسبب عدم توافر هيك غيتاريست مع الفرقة.
ولهلأ هو مكمل مع الفرقة بنجاح وفي انسجام كتير حلو بينه وبين الفرقة .. لذلك رح نسمع شغلو
الحلو كتير بالألبومات القادمة.
....................
Yves Huts
عازف البيس
كمان مع الفرقة من التأسيس وبصراحة هاد أكتر شخص انا بحترمو بالفرقة (من بعد سيمون -_-)
كتير محترف, وكتير أدائو على المسرح مميز بين الكل, هو كمان مو بس عازف بيس ..
هو عازف كيبورد و غيتار .. منشوف بالفرقة بس على البيس.
كان من قبل بفرقة He Came From The Sun وعزف على الغيتار و البيس و الكيبورد معهن
وبعدها ترك و انضم لـ Epica .
....................
Arien Van Weesenbeek
الدرمر
انضم للفرقة كعضو أساسي بالـ 2007 بدل Jeroen Simons
وكمان هالشخص لما دخل على الفرقة كانت نقلة كتير ايجابية .. لأنو برأي افضل من Jeroen
Jeroen ماكان سيء أبداً بس Arien أفضل والي بيسمع شغلهن قبلو وبيرجع بيسمع شغلهن
معو و بيدقق بالدرمز تحديداً رح يعرف الفرق الي صار بعد انضمامو للفرقة ..
وإبداعاتو متمثلة أكتر بألبوم 2009 .. كان الدرمز مجرد شي موجود بأغاني الفرقة
وصار بعدها شي كتير مميز .. كمان منسمع صوتو بـ Kingdom of Heaven
اشتغل من قبل مع فرقة God Dethroned وتركهن بشكل رسمي بسنة 2008 لحتى يركز أكتر
على شغلو مع Epica , اشتغل مع Delain كمان بأول البوم الهن واشتغل بمشروع Sander
الي كان معروف مع After Forever , اسم المشروع HDK أو Hate ,Death, Kill
....................
الأعضاء السابقين :
Ad Sluijter
كان الليد غيتاريست, مانو غيتاريست سيء, بس الفرقة وصلت لمرحلة صار لازمها غيتاريست
عندو قدرات أقوى من هيك, وكمان "ايد" كان الو طموح كبير ليساهم بالتأليف أكتر من الشي
الي كان متاح الو, ساهلم بالتأليف مرات .. و كان يضيف كتير أفكار و استيحاءات من الموسيقى الكلاسيكية
بأغاني متل The Last Crusade و Consign To Oblivion
بس اسمو ماكان ينذكر بين المؤلفين غالباً ..
ترك بالـ 2008
اشتغل من قبل مع Delain كمان بأول البوم الهن
وبالـ 2010 أسس Hangover Hero "روك" مع أعضاء سابقين من After Forever و Delain
....................
Jeroen Simons
كان الدرمر من التأسيس للـ 2006
كمان طلعتو من الفرقة كانت لصالح الفرقة .. متل ما حكينا عن Arien
منشوفو بـ DVD الفرقة We Will Take You With Us
مانو درمر سيء .. بالعكس جيد ..
ومابعرف شو صار فيه بعد ما ترك الفرقة كأنو ما بقى اشتغل اي شي ..
....................
الإصدارات :
The Phantom Agony 2003
الألبوم الأول للفرقة, ألبوم بيتميز بتأثر ملحوظ بالموسيقى الكلاسيكية, يعتبر هاد الألبوم هو
جذور الفرقة وهون بلشت مسيرة Epica .. الألبوم بيتناول مواضيع سياسية متل غنية Feint
الي بتحكي عن اغتيال Pim Fortuyn وغنية Façade Of Reality الي بتحكي عن أحداث 11
ايلول وقريت مرة انو ليركس هي الغنية مقتبس من خطابات لسياسيين ..وبيحكي الألبوم عن
أفكار مارك و وجهة نظرو الفلسفية للأمور الي كتير أثرت بالناس .. بأغاني كتير محبوبة
متل Cry For The Moon و Feint
بيتميز الألبوم بوجود أصوات جوقة رائعة و عازفين آلات كلاسيكية .. بالإضافة طبعاً لصوت
Amanda Somerville خاصة بـ Seif Al Din مقطع الكلام.
لقى هالألبوم نجاح حلو بهولندا .. و نجاح لا بأس فيه ببقية الدول الاوربية المحيطة وطبعاً
هي كانت بداية كتير حلوة لأي فرقة بأول ألبوم إلها .. تم تسجيل الألبوم خلال 3 شهور
باستديو بألمانيا ..
تأليف الألبوم كان لـ مارك من ناحية الليركس , سيمون كتبت Illusive Consensus
والكلمات الي بـ Adyta
من الناحية الموسيقية المؤلفين هني : سيمون و مارك و ايد "الغيتاريست السابق"
Adyta "The Neverending Embrace - Prelude"
Sensorium
Cry For The Moon "The Embrace That Smothers - Part IV"
Feint
Illusive Consensus
Façade Of Reality "The Embrace That Smothers - Part V"
Run For A Fall
Seif Al Din "The Embrace That Smothers - Part VI"
The Phantom Agony
للتحميل : http://www.mediafire.com/?bz3zytzmxtf
....................
Consign To Oblivion 2005
ألبوم الفرقة التاني الي بيحكي هالمرة عن قصة جديدة بعنوان A New Age Dawns
بتحكي عن حضارة المايا بتأثر كبير فيها .. منلاحظ قوة الفرقة أكتر بهل ألبوم من الناحية
الاوركسترالية .. وتأثر أكبر بالموسيقى الكلاسيكية
وحدة من الأغاني الي ضربت كتير هي الغنية صاحبة النغمات القريبة للقلب كتير Solitary Ground
وأكيد كمان غنية Quietus الي نزلت سنغل .. و أكيد ما مننسى الأغاني العظيمة متل Consign To Oblivion
و منقدر نسمع صوت Khan فوكال Kamelot بغنية Trois Vierges
هي المرة ساهمت سيمون بالكتابة أكتر من الألبوم الي سبقو .. كتبت 7 أغاني :
Dance of Fate & Solitary Ground & Blank Infinity & Force of the Shore
Quietus & Trois Vierges & Linger
الأغاني الباقي كتبهن مارك .. الي هنن سلسة A New Age Dawns
من ناحية الموسيقى بيشارك بالتأليف هالمرة Yves عازف البيس
طبعاً بالاضاقة للمؤلفين الي شاركو بألبوم 2003 "مارك, سيمون, ايد"
Hunab K'u "A New Age Dawns" - Prologue
Dance Of Fate
The Last Crusade "A New Age Dawns" - Part I
Solitary Ground
Blank Infinity
Force Of The Shore
Quietus
Mother Of Light "A New Age Dawns" Part II
Trois Vierges
Another Me "In Lack'ech"
Consign To Oblivion "A New Age Dawns" Part III
للتحميل : http://www.mediafire.com/?bdmjgtorixz
....................
The Score – An Epic Journey 2005
بإمكاننا نعتبر انو هاد الألبوم التالت للفرقة .. أو فينا نقول انو هاد عان عبارة عن شي مختلف
هاد الألبوم بيتميز عن غير اصدارات من الفرقة .. عبارة عن موسيقى كلاسيكية ..
مارك بيقول انو هو متل اي ألبوم Epica بس بدون غيتارات الكتريك
عنجد هالألبوم مميز كتير .. عبارة عن عمل جماعي رائع بين كل أعضاء الفرقة ..
1. Vengeance is Mine
2. Unholy Trinity
3. The Valley
4. Caught in a Web
5. Insomnia
6. Under the Aegis
7. Trois Vierges
8. Mystica
9. Valley of Sins
10. Empty Gaze
11. The Alleged Paradigm
12. Supremacy
13. Beyond the Depth
14. Epitome
15. Inevitable Embrace
16. Angel of Death
17. The Ultimate Return
18. Trois Vierges
19. Solitary Ground
20. Quietus
للتحميل : http://www.mediafire.com/?zonkzdwhkgm
....................
The Divine Conspiracy 2007
بتابع قصة The Embrace That Smothers بهل الألبوم
من ناحية الموسيقية بحس انو الفرقة وصلت لذورة الابداع بهل الالبوم .. وكتير حقق نجاح
و خاصة مع ضغط السيمفوينك كتير بسنة الـ 2007 .. تسلطت أضواء على Epica
وفينا نقول انو الفرقة اكتسبت الشهرة العالمية مع هاد الألبوم .. طبعاً ماني عم قول ماكانو
مشهورين على مستوى العالم بس مع هاد الألبوم ارتفع المستوى كتير ..
المؤلفين التلاتة الي ورا موسيقى Epica بيرجعو بيذهلونا مرة كمان .. وذكر انو المؤلفين هني
مارك .. سيمون .. ايد "الغيتاريست السابق".
ومن ناحية الليركس .. بهل ألبوم بيرجع مارك ليشارك بكتابة الأغاني أكتر والألبوم
كلو تقريباً بيحكي عن الأديان و المقارنة بين الدين و العلم .. وعلى انو الأديان كلها واحد بالنهاية
وفي كمان الغنية رقم 6 بعنوان La'petach Chatat Rovetz أو The Final Embrace
الي بطريقة ما بتخلي الكل يحس انو هي نهاية قصة The Embrace That Smothers
أو ما منعرف .. البوم الفرقة القادم هو رح يكشفلنا شو رح يصير ..
منقدر نسمع صوت Sander Gommans بغنية Death of a Dream
Indigo - Prologue
The Obsessive Devotion
Menace Of Vanity
Chasing The Dragon
Never Enough
La'petach Chatat Rovetz - The Final Embrace
Death Of A Dream - The Embrace That Smothers Part VII
Living A Lie - The Embrace That Smothers Part VIII
Fools Of Damnation - The Embrace That Smothers Part IX
Beyond Belief
Safeguard To Paradise
Sancta Terra
The Divine Conspiracy
للتحميل : http://www.mediafire.com/?onmbummrf3l
....................
Design Your Universe 2009
هالألبوم كانت أكتر إصدار منتظر للفرقة طبعاً متل ما سبق و ذكرنا بعد الشهرة الكبيرة الي
اكتبستها الفرقة من بعد ألبوم 2007 .. بيتميز برجعة قوية كتير كبيرة للفرقة من الناحية
الاوركسترالية .. وقدمو تحف كتير قوية متل الغنية الساحقة الي تعتبر من أروع ما قدمت الفرقة
Kingdom Of Heaven .. بيكمل الألبوم مع قصة A New Age Dawns هي المرة
وصلت بهل ألبوم Epica لمستوى كتير عالي .. خاصة مع Isaac والسولويات الرائعة الي بيعزفا
ومع تطور كتير ملحوظ بالدرمز ..
وكمان مرة بتاخد سيمون راحتها أكتر بكتابة الأغاني .. لأنو هالألبوم بتابع قصة A New Age Dawns
كتبت هي كل الألبوم ما عدا 4 أغاني كتبهن مارك الي هني :
Resign to Surrender & Martyr of the Free Word & Kingdom of Heaven
Design Your Universe
بالإضافة للكلمات الي بالانترو .. ومنلاحظ كمان اقتباسات من كلام جورج دبليو بوش وحتى منقدر
نسمع مقطع من خطابه بـ The Price of Freedom
من ناحية تأليف الموسيقى .. منشوف هي المرة انو كوين "الكيبورديست بيشارك بالتأليف بدل "ايد"
وهاد شي كان كتيرايجابي للفرقة .. اذا بدكن تسمعو تأليفو هو شارك بـ Unleashed و Our Destiny
استضافو بهلألبوم Tony Kakko فوكال فرقة Sonata Arctica بغنية White Waters
بالمناسبة كمان فيكن تشوفو غنية Resign to Surrender بـ JamLegend (لعبة على مبدأ غيتار هيرو)
Samadhi - Prelude
Resign To Surrender - A New Age Dawns - Pt. IV
Unleashed
Martyr Of The Free Word
Our Destiny
Kingdom Of Heaven - A New Age Dawns - Pt. V
The Price Of Freedom - Interlude
Burn To A Cinder
Tides Of Time
Deconstruct
Semblance Of Liberty
White Waters
Design Your Universe - A New Age Dawns - Pt. VI
للتحميل : http://www.mediafire.com/?kchg2dtxnmj
....................
بالنسبة لإصدارات الـ DVD
إصدار وحيد بعنوان We Will Take You With Us نزل بسنة الـ 2004
بيحتوي هالإصدار على مقطاع فيديو للفرقة بالاستوديو عم يغنو اغاني من ألبومهن الأول
بالإضافة لفيديو كليبين و مقابلات مع الأعضاء ومع أعضاء الجوقة ..
....................
ولهون منكون وصلنا للختام بتمنى تكونو اسمتعتو بقراءة الموضوع
Keep it Symphonic and Epic
Enjoy
ليست هناك تعليقات:
إرسال تعليق